අපේ සින්ඩිය සහ අලුත් සින්ඩිය

ඇත්තටම අන්තර්ජාලය ප්‍රයොජනවත් ලෙස යෙදවීමට, අපේ සින්ඩිය මම හිතන්නේ මට වගේම ඔයගොල්ලන්ටත් ගොඩක් උපකාරි වෙන්න ඇති. ලෝකය ගැන, තාක්ශණය ගැන, දේශපාලනය, ආගමික, විනෝදාත්මක වගේ මෙකී නොකී නොයෙකුත් දේ ගැන ඔයගොල්ලෝ ලියන දේවල් කකුල් දෙක ගාවටම ගෙනත් දුන්නේ අපේ සින්ඩිය. එක එක කාලවලදී එක එක ආකාරයට වෙනස්වෙමින්, අලුත්වෙමින් හුදකලා ගමනක අපේ සින්ඩිය ආව. මේ දුර එන කොට විවිද බාදක වැට කඩොලු අතරින් එන්න වුනේ, සමහර කාල වල සින්ඩියත් එක්ක හිටපු සින්ඩියේ දියුනුවට යම් තරමකින් දායක වුන අය සින්ඩිය අත හරලා ගියා. සමහරු අලුතෙන් ආව. සින්ඩියට තනියට හිටියේ කොත්තු විතරයි. නමුත් කොත්තු හිටියේ සින්ඩියට සැතපුම් ගනගක් ඈතින්. කොහොම වුනත් පසුගිය දවසක සින්ඩිය ආයෙත් වෙනස්වුනා. මම වගේම සමහරු ඒ වෙනසට එතරම් කැමතිවුනේ නෑ. ඉතින් එහෙම වුන එකෙන් වාසියක් වුනා. සින්ඩියට සහොදරියක් හම්බවුනා. මෙන්න මෙතන එයා ඉන්නවා ගිහින් බලන්න. (හැබැයි මම එහෙම නෙමේ එයාව හැදුවේ, හැදුවේ අපි නවුරුත් දන්න වැප්)

කොහොම වුනත් දැන් අපේ සින්ඩියේ තනියට තව කෙනෙක් ඉන්නවා. දැන් දෙන්නම මීට පස්සේ ඔය‍ ගොල්ලෝ ලියන එවා ගෙනත් දෙයි. අපේ සින්ඩියටයි අලුත් සින්ඩියටයි දෙන්නටම සහයොගයෙන් දිග ගමනක් යන්න හැකිවෙන්න ඔන. මම හිතනවා ඔය ගොල්ලොත් මාත් එක්ක එකග වෙයි කියලා.